Тайсон Фьюри – Александр Усик жанги санаси ва манзили эълон қилинди
Спорт
−
15 Ноябрь 2023 4079
Британиялик Тайсон Фьюри ва украиналик Александр Усикнинг жанги Саудия Арабистонида ўтказиладиган бўлди. Бу ҳақда Тошкентда мезбонлик қилаётган Бутунжаҳон бокс иттифоқининг (WBC) 61-Конвенциясида маълум қилинди.
WBC йўналишида британиялик чемпион Тайсон Фьюри ҳамда WBA, IBA, IBO ва WBO ташкилотлари чемпиони, украиналик Александр Усик ўртасида кечадиган жанг 2024 йилнинг 17 февраль куни Саудия Арабистонининг Ар-Риёд шаҳрида ташкил этиладиган бокс оқшоми доирасида ўтказилади.
Аслида ушбу жанг декабрь ойида бўлиб ўтиши керак эди, бироқ Фьюрининг октябрь охирида жанг қилгани ва декабрга қадар тиклана олмаслиги бу жангнинг кечиктирилишига асосий сабаб бўлди.
Эслатиб ўтамиз, аввалроқ QALAMPIR.UZ'да Александр Усик билан интервью эълон қилинганди. Унда украиналик чарм қўлқоп устаси Ўзбекистон ва Баҳодир Жалолов ҳақида ўз фикрларини билдириб ўтган.
Live
Барчаси
