Super-kontrakt miqdori e’lon qilindi
Jamiyat
−
05 Sentabr 2023 34278
2023-2024 o‘quv yili qabulida bakalavriat ta’lim yo‘nalishlariga o‘qishga kirish uchun 56,7 dan kam ball to‘plagan, qabul chegarasiga 4,05 dan ortiq ball yetmagan abituriyentlar uchun super-kontrakt miqdori tasdiqlandi. Bu haqda Oliy ta’lim, fan va innovatsiyalar vazirligi xabar berdi.
Unga ko‘ra, qo‘shimcha qabul kvotasida o‘qish istagini bildirgan abituriyentlarning birinchi o‘quv yili uchun amalda belgilangan to‘lov-kontrakt qiymatining minimal miqdori asosan oddiy kontrakt miqdorining 8 barobari etib vayd etilgan. Bundan tashqari, ba’zi yo‘nalishlarda ushbu miqdor 10, 12, 15, 17 barobarni tashkil etadi. Faqatgina huquq sohasidagi 2 ta yo‘nalish uchun 25 barobar super-kontrakt miqdori belgilangan.
Ma’lumot uchun, qabul chizig‘iga 1 ballgacha yetmagan abituriyentlar uchun kontraktning 1,5 barobari, 1 balldan 2 ballgacha yetmaganlar uchun 2 barobari, 2,1 balldan 3 ballgacha yetmaganlar uchun 2,5 barobari va 3,1 balldan 4 ballgacha yetmaganlar uchun 3 barobari miqdorida to‘lov belgilangan. Yuqorida keltirilgan summa faqatgina 4 dan ortiq ball yetmagan abituriyentlar uchun amal qiladi.
Eslatib o‘tamiz, yotoqxonadan joy olishda imtiyozga ega talabalar toifasi e’lon qilindi.
Live
Barchasi
