Ortiqxo‘jayevning oyog‘iga bolta urgan 22 soat
Jamiyat
−
17 noyabr 2019 62767
Ortiqxo‘jayevga oid audioyozuv internetni portlatdi. Jurnalistlar shahar hokimiga oid shirkatlar mahsulotlari va xizmatlariga boykot qilish kerakligini ta’kidlamoqda. Ijtimoiy tarmoqlarda boshlangan kampaniyada jurnalistlar va ommaviy axborot vositalari xodimlari #bizitibolasiemasmiz heshtegi bilan post yozib qoldirmoqda.
Shu o‘rinda kecha, 16 noyabr kuni tarqalgan ovozli yozuv bilan bog‘liq voqealar, xabarlar xronolgiyasiga e’tibor qaratsak. Shuni alohida ta’kidlash joizki, voqealar kecha 19:15 da boshlanib, bugun 17:03 da tin oldi.
16 noyabr soat 19:15 - QALAMPIR.UZ’da Jahongir Ortiqxo‘jayevning audioyozuvi e’lon qilindi.
16 noyabr soat 23:54 - O‘zbekistondagi siyosiy partiyalar orasida birinchi bo‘lib "Adolat" SDP Ortiqxo‘jayevning audiosiga izoh talab qilib chiqdi.
17 noyabr soat 01:57 - Prezident Administratsiyasi huzuridagi Axborot va ommaviy kommunikatsiyalar agentligi Matbuot kotibi rasmiy bayonot bilan chiqdi.
17 noyabr soat 02:11 - O‘zbekiston "Xalq" demokratik partiyasi huquqni muhofaza qiluvchi organlar tekshiruv olib borishi kerakligini aytib chiqdi.
17 noyabr soat 07:30 - "Milliy tiklanish" demokratik partiyasi raisi Alisher Qodirov o‘z Facebook sahifasida partiya voqealarni kuzatishi, hozircha fikr bildirmasligini ma’lum qildi.
17 noyabr soat 12:07 - O‘zbekiston Jurnalistlari ijodiy uyushmasi Toshkent shahar hokimi Jahongir Ortiqxo‘jayevning ovozidan "uyg‘onib ketdi".
17 noyabr soat 15:21 - Toshkent shahar hokimligi bayonot berdi va ovozli yozuv go‘yoki Ortiqxo‘jayevga tegishli ekani asossiz iddao qilinayotganini aytdi.
17 noyabr soat 15:22 - O‘zbekiston Respublikasi Bosh prokuraturasi rasmiy bayonot berib, holat o‘rganilayotganini aytib chiqdi.
17 noyabr soat 15:30 - Tadbirkorlar va ishbilarmonlar harakati O‘zbekiston Liberal demokratik partiyasi bayonot berdi.
17 noyabr soat 17:00 - Kun.uz nashri audio tahririyatga oidligi, u Jahongir Ortiqxo‘jayev bilan tahririyat xodimlari o‘rtasidagi suhbatda yozib olingani haqida bayonot berdi.
17 noyabr soat 17:03 - O‘zbekiston Respublikasi Adliya vazirligi Ortiqxo‘jayevga oid ovozli yozuvni o‘rganishda Bosh prokuratura bilan hamkorlik qilayotganini ma’lum qildi.
Voqea tafsilotlarini QALAMPIR.UZ’da kuzatib boring.
