Mirziyoyev chempionga uy sovg‘a qildi

Avval xabar berganimizdek, shu yilning 9-21 sentyabr kunlari Rossiya Federatsiyasining Yekaterinburg shahrida bo‘lib o‘tgan boks bo‘yicha jahon chempionatida o‘z vazn toifasida o‘zbekistonlik Bahodir Jalolov musobaqa g‘olibiga aylangan edi. 

Uning chempionatda erishgan g‘alabasi, sportdagi yutuqlari e’tirof etilib, Bahodir Jalolovga Prezident sovg‘asi – Toshkent shahri Qori Niyoziy ko‘chasida joylashgan uy-joylardan biri – tantanali ravishda topshirildi. 

Yigirmanchi marta o‘tkazilgan boks musobaqasida dunyoning 78 mamlakatidan 400ga yaqin bokschi ishtirok etdi. Unda O‘zbekiston terma jamoasi 3ta oltin, 1ta kumush va 1ta bronza medallarini jamg‘arib, umumjamoa hisobida birinchi o‘rinni qo‘lga kiritdi.

Ma’lumot uchun, Bahodir Jalolov 1994 yilda Surxondaryo viloyatining Sariosiyo tumanida tug‘ilgan. 2013 yilda u O‘zbekiston chempioni bo‘lgan va 2014 va 2015 yillarda ham bu muvaffaqiyatni takrorladi.