Malayziyada 2 harbiy vertolyot to‘qnashdi. Tirik qolganlar yo‘q (video)
Olam
−
23 aprel 7853
Malayziyada o‘quv parvozi chog‘ida ikkita vertolyot halokatga uchradi. Bu haqda mamlakat O‘t o‘chirish va qutqaruv xizmati ma’lum qildi.
Qayd etilishicha, Malayziya Harbiy-dengiz kuchlarining ikkita vertolyoti qirollik dengiz floti paradiga tayyorgarlik ko‘rayotgan vaqtda havoda to‘qnashib ketgan.
BBC xabariga ko‘ra, ekipajning 10 a’zosi halok bo‘lgan, tirik qolganlar yo‘q. Hodisa Malayziyaning harbiy-dengiz bazasi joylashgan Lumut shahrida sodir bo‘lgan.
Dastlabki ma’lumotlarga ko‘ra, bitta vertolyot yugurish yo‘lakchasiga, ikkinchisi yaqin atrofdagi basseynga qulagan.
Eslatib o‘tamiz, avvalroq Rossiyaning Magadan viloyatida Mi-8 vertolyoti halokatga uchragandi.
Live
Barchasi
