Makron Xitoyda Rossiya ustidan shikoyat qilyapti

Fransiya Prezidenti Emmanuel Makron Xitoy rahbari Si Szinpin bilan uchrashuvdan so‘ng o‘tkazilgan matbuot anjumanida mamlakatning yadro qurolini tarqatmaslik bo‘yicha pozitsiyasi haqida bayonot berdi. 

Makronning bayonotlaridan kelib chiqadiki, Fransiya nafaqat yadro qurolini tarqatmaslik tarafdorlari pozitsiyasida qolmoqda, balki Ukrainadagi mojaroda bunday qurollardan foydalanish ehtimolini istisno qilish uchun qo‘lidan kelgan barcha ishni qilishga ham tayyor.

“Fransiya XXRning yadro quroli ushbu mojarodan chetda qolish istagini qo‘llab quvvatlaydi. Bu sohadagi xalqaro shartnomalarga rioya qilishni nazarda tutadi. Shuningdek, hech qanday holatda yadro quroli ularga ega bo‘lgan davlatlardan tashqarida, ayniqsa Yevropada joylashtirilmasligi kerak”, deydi Makron.

Shuningdek, u Xitoy rahbarining mojaroni tinch yo‘l bilan hal etish zarurligi haqidagi so‘zlariga izoh bergan.

“Kelajakda qilishimiz kerak bo‘lgan narsa, imkon qadar tezroq amalga oshishiga umid qilamanki, bu siz belgilagan va himoya qilgan tamoyillarni hurmat qilishi uchun hamma bilan, xususan, Rossiya bilan talabchan muhokamani qayta boshlashdir”, deydi Fransiya rahbari.

Eslatib o‘tamiz, joriy yilning 25 mart kuni Rossiya Prezidenti Vladimir Putin Belarusda o‘zining taktik yadroviy qurollarini joylashtirishini aytgan edi. Rossiya davlati rahbari 1 iyulda Belarus hududida taktik yadroviy qurollarni saqlash ombori qurilishini yakunlash rejalashtirilganini ma’lum qilgandi. 4 aprel kuni Rossiya Mudofaa vaziri Sergey Shoygu “Iskander-M” quroli Belarus qurolli kuchlariga topshirilganini ma’lum qilgandi. Rossiyaning BMTdagi doimiy vakili Vasiliy Nebenzya esa BMT Xavfsizlik kengashi yig‘ilishida Rossiya rasmiylarining bunday qarori “Yadro qurolini tarqatmaslik to‘g‘risida”gi shartnomaga zid emasligini aytgandi. Uning ta’kidlashicha, Moskva Minskka yadro qurolini bermayapti, ular Rossiya nazorati ostida bo‘ladi.