Xitoyning 35 ta samolyoti Tayvan bilan ramziy chegarani buzdi

Bugun, 26 avgust kuni Tayvan mudofaa vazirligi orolga tutash hududda Xitoy Xalq ozodlik armiyasi (XOA) Harbiy-dengiz kuchlarining 8 ta kemasi va 35 ta samolyotini qayd etdi. Bu haqda Twitter’da e’lon qilin xabarda aytilgan.

Unda aytilishicha, manevrlar davomida 18 ta qiruvchi Tayvan bo‘g‘ozining Xitoy va orolni ajratib turuvchi ramziy o‘rta chizig‘ini kesib o‘tgan: sakkizta Su-30, uchta J-11, to‘rtta J-16 va uchta J-10. Tayvan armiyasi bunga javoban havo patrullarini havoga ko‘targan, radio ogohlantirishlar tarqatgan va zenit-raketa tizimlarini shay holga keltirgan.

AQSH Vakillar palatasi spikeri Nensi Pelosining 2-3 avgust kunlari Taybeyga tashrifidan buyon XOA bunday manevrlarni muntazam ravishda o‘tkazib kelyapti. Shundan so‘ng orolga yana bir qancha Amerika delegatsiyasi tashrif buyurdi, ularning kelishi Pekinning keskin tanqidiga sabab bo‘ldi va mintaqada harbiy mashg‘ulotlar davom ettirilishiga sabab bo‘ldi.

Eslatib o‘tamiz, kecha, 25 avgust kuni Tennessi shtatidan respublikachi AQSH senatori Marsha Blekbern Tayvanga kelgan edi.

Oldindan e’lon qilinmagan va 27 avgustgacha davom etadigan tashrif davomida Tayvan ma’muriyati rahbari Say Ing-ven siyosatchini qabul qiladi.  Shuningdek, Milliy xavfsizlik kengashi bosh kotibi Gu Lisyun, Tashqi ishlar vaziri Jozef U va boshqa rasmiy shaxslar bilan uchrashuvlar o‘tkazish rejalashtirilgan.

Xitoy Blekbernning tashrifiga munosabat bildirib, AQSH Tayvan bo‘g‘ozi mintaqasida tinchlik bo‘lishini istamasligini qayd etdi.

Bu AQSH qonunchilarining orolga bir oy ichida uchinchi tashrifidir. 2-3 avgust kunlari AQSH Kongressi Vakillar palatasi spikeri Nensi Pelosi Tayyga tashrif buyurdi, bu esa Pekinning keskin munosabatiga sabab bo‘ldi va bunga javoban Tayvan atrofida keng ko‘lamli harbiy mashg‘ulotlar o‘tkazdi. 14-15 avgust kunlari senator Ed Marki (Massachusets shtati) boshchiligidagi delegatsiya Tayvanga keldi. Uning ortidan ham orol atrofida harbiy mashg‘ulotlar o‘tkazildi.