“Qamchiq” dovoni qayta ochildi, ammo...
Jamiyat
−
13 fevral 5888 1 daqiqa
Bugun, 13 fevral kuni 11:00 dan boshlab “Qamchiq” dovonidagi harakat qayta tiklandi. Bu haqda Favqulodda vaziyatlar vazirligi xabar berdi.
Ma’lum qilinishicha, FVV va boshqa tegishli idoralar hamkorligida “Qamchiq” dovonida qor ko‘chkisi xavfini bartaraf etish uchun zarur profilaktik tadbirlar olib borilgandan so‘ng dovon yo‘li transport harakati uchun qayta ochiladi.
Biroq, prognozga ko‘ra, bugun soat 19:00 atrofida “Qamchiq” dovoni orqali transport harakati to‘xtatilishi mumkin, chunki kechga yaqin qor ko‘chkisi xavfi yana vujudga kelishi mumkin.
Eslatib o‘tamiz, kecha, 12 fevral kuni (soat 17:00-21:00 oralig‘ida) Namangan viloyatining Pop tumani “Qamchiq” dovonida qor ko‘chkilari sodir bo‘lgandi.
