Imron Xon va kelinoyi yana bir jazoga hukm qilindi
Olam
−
04 fevral 14844
Pokistonning sobiq bosh vaziri Imron Xonning ayoli Bushra Bibi birinchi turmushidan ajrashganidan keyin qonun bo‘yicha 3 oy iddada o‘tirmay, Imron Xon bilan nikohdan o‘tgani uchun juftlik Ravalpindi sudi tomonidan qo‘shimcha 7 yillik qamoq jazosi va 1800 AQSH dollari miqdorida jarimaga tortildi. Bu haqda "Reuters" ma’lum qildi.
Xon va Bibiga jinoiy ish qo‘zg‘atilishini so‘rab, sudga Bushraning birinchi turmush o‘rtog‘i Xavar Maneka murojaat yo‘llagan.
Bu bilan siyosatchi bir hafta ichida uchinchi bor sudlandi.
Bungacha Imron Xon davlat sirlarini oshkor qilganlikda ayblanib, 10 yilga, rafiqasi bilan esa korrupsiyada ayblanib, 14 yilga ozodlikdan mahrum etilgan edi.
Xon vakillarining aytishicha, har uchala holatda ham apellyatsiya shikoyati beriladi.
Live
Barchasi07 noyabr 2023
07 noyabr 2023
07 noyabr 2023
