Futzal: O‘zbekiston Niderlandiya bilan durang qayd etdi

Bugun, 14 sentyabr kuni O‘zbekistonda futzal bo‘yicha Jahon chempionati start oldi. Toshkentdagi “Humo arena”da bo‘lib o‘tgan O‘zbekiston-Niderlandiya o‘rtasidagi uchrashuv durang natija bilan yakunlandi.

Uchrashuvning ilk golini 4-daqiqada gollandiyalik Tevfik Cheyar kiritdi va o‘yinda hisobni ochdi. Elbek To‘lqinov esa hisobni tenglashtirdi. O‘yinning 1-bo‘limi 1:1 hisobi bilan yakunlandi.

Ikkinchi bo‘limda esa Niderlandiya yana hisobda oldinga chiqib oldi. Bu safargi gol muallifi – Ismoil Odduh. 36-daqiqada Ixtiyor Ropiyev hisobni tenglashtirdi. Oradan bir daqiqa o‘tib, Odduh dublni rasmiylashtirib, jamoasining hisobda oldinga olib chiqdi. 39-daqiqada Husniddin Nishonov muvozanatni tikladi.

Qayd etish joiz, O‘zbekiston tarixda birinchi marta FIFA tasnifidagi turnirga mezbonlik qilmoqda. O‘zbekiston futzal terma jamoasi esa 3-marta Jahon chempionatida ishtirok etadi.

Ma’lumot uchun, Jahon chempionati 6 oktyabrga qadar davom etadi. Toshkent va Buxoro shahridan tashqari Andijon shahrida turnir o‘yinlari o‘tkaziladi.

Eslatib o‘tamiz, avvalroq O‘zbekistonda futzal bo‘yicha Jahon chempionati start olishi haqida xabar berilgandi.