Avstraliya MTJ Jahon çempionati uçun mukofot pulini olmagan – OAV

Avstraliya terma jamoasi futbolçilari 2026 yilda AQŞ, Kanada va Meksikada bölib ötgan Jahon çempionatida iştirok etganliklari uçun belgilangan mukofot pulini haligaça olmagan. Bu haqda “Australian Associated Press” xabar berdi.

Manbaga köra, mablağlar musobaqa yakunlanganidan keyin ikki hafta içida futbolçilarga ötkazilişi kerak edi. Har bir uçraşuvda asosiy tarkibda maydonga tuşgan yoki zaxirada qolgan futbolçiga taxminan 6 ming Avstraliya dollari (4,1 ming AQŞ dollari) tölanişi belgilangan.

Meksika va Şveysariyaga qarşi ikkita örtoqlik uçraşuvi hamda Jahon çempionatidagi törtta bahsni hisobga olganda, terma jamoa tarkibiga kiritilgan futbolçilarning har biriga jami oltita öyin uçun 36 ming Avstraliya dollari (24,8 ming AQŞ dollari) tölanişi kerak.

“Football Australia” naşri tölovlar keçikişini Şimoliy Amerikadagi soliq majburiyatlarini aniqlaştiriş zarurati bilan izohladi. Taşkilot mablağlarni ötkazişga tayyorligini, biroq mutaxassislarning yakuniy xulosasi va Avstraliya futbolçilar assotsiatsiyasidan (AFA) mablağlarni taqsimlaş böyiça qöşimça ma’lumotlarni kutayotganini ma’lum qilgan.

AFA prezidenti Bo Buş bu holatni qabul qilib bölmaydigan vaziyat deb atagan. Uning ta’kidlaşiça, xalqaro soliq masalalarini musobaqadan ança oldin prognoz qiliş va hal etiş mumkin edi.

Agentlik ma’lumotiga köra, futbolçilar joriy yilning sentyabr oyida Braziliyaga qarşi ötkazilgan örtoqlik uçraşuvlari uçun belgilangan tölovlarni töliq olgan.

Eslatib ötamiz, Avstraliya terma jamoasining Jahon çempionatidagi iştiroki 1/8 final bosqiçida Misrga qarşi bahsda yakunlangan. Arlington şahridagi uçraşuv 1:1 hisobida tugagan, penaltilar seriyasida esa misrliklar 4:2 hisobida ğalaba qozongan edi.