Fransiya Usmonovning ikkita vertolyotini xatladi

Olam 6818
image

Fransiya hukumati rossiyalik milliarder Alisher Usmonovning ikkita vertolyotini hibsga oldi. Bu haqda “Forbes” xabar bermoqda. 

“Ikkita vertolyot – bort raqami M-DLBR bo‘lgan Airbus EC-175 va bort raqami M-DLBA bo‘lgan Eurocopter EC-155 mos ravishda 22 mart kuni Le Kastelleda va 25 mart kuni Monte-Karloda xatlandi”, deb yozadi nashr. 

Ma’lumotni Fransiya Moliya vazirligi vakili tasdiqlagan. 

Oligarx vakilining aytishicha, Usmonovda endi vertolyotlar yo‘q, chunki ular qaytarib bo‘lmaydigan ishonchli shaxslarga o‘tkazilgan. Mulkni ishonchli shaxslarga o‘tkazish jarayoni ko‘p yillar avval boshlangan va uning sanksiyalar yoki boylikni yashirish bilan aloqasi yo‘q. 

Ma’lumot o‘rnida, Italiyada rossiyalik milliarder Alisher Usmonovning umumiy qiymati 80 mln yevrodan yuqori bo‘lgan aktivlari musodara qilingan

Shuningdek, Germaniya rasmiylari ham Yevropa Ittifoqi sanksiyalari ostida qolgan rossiyalik milliarder Alisher Usmonovdan 156 metrlik yaxtani musodara qilgani haqida aytilgandi. Ammo ma’lumot keyinroq inkor etildi.

Rushana Sultonova
Maqolaga baho bering
Baholaganlar: 225
Reyting: 3
Teglar
t
×