“Chelsi” o‘z maydonida “taqachilar”ni ayamadi
Sport
−
06 yanvar 2022 3556
Bugun, 6 yanvar kuni Angliya liga kubogi 1/2 finali ilk uchrashuvi doirasida “Chelsi” “Tottenxem”ni qabul qilib, 2:0 hisobida g‘alaba qozondi. O‘yin Londondagi “Stemford Brij” stadionida bo‘lib o‘tdi.
Birinchi bo‘limning 5-daqiqasidayoq hisob ochildi. Yarim himoyachi Kay Havers Markos Alonsoning uzatmasidan so‘ng, gol urdi. 34-daqiqada “taqachilar” himoyachisi Ben Devis jarima zarbasidan o‘zatilgan to‘pni o‘z darvozasiga yo‘llab qo‘ydi.
Eslatib o‘tamiz, “Chelsi” va “Tottenxem” o‘rtasidagi Liga kubogi yarim finalining ikkinchi o‘yini 12 yanvar kuni Londondagi “Tottenxem Xotspur” stadionida bo‘lib o‘tadi. Turnirning amaldagi g‘olibi esa “Manchester Siti” hisoblanadi.
Ma’lumot uchun, ushbu bahsda to‘liq harakat qilgan “aristokratlar” hujumchisi Romelu Lukaku bir necha kun oldin bergan bahsli intervyusi uchun 600 ming yevro miqdorida jarimaga tortilgan edi.
Live
Barchasi
