Bizni qonli dahshat bilan yiqitmoqchi bo‘lishdi – Portlatib yuborilgan jurnalistning otasi

Olam

image

Rossiya xalqini sindirib bo‘lmaydi, shuning uchun Darya Duginaning qotillari o‘z maqsadlariga erisha olmaydi. Bu haqda Duginaning otasi Aleksandr Dugin bergan bayonotda aytiladi. 

Duginning ta’kidlashicha, uning qizi vatanparvar, harbiy muxbir, markaziy kanallar bo‘yicha mutaxassis, faylasuf bo‘lib, u hech qachon zo‘ravonlik va urushga chaqirmagan. 

"Rossiyaning dushmanlari uni yashirincha o‘ldirishdi", deydi Dugin. 

Uning qayd etishicha, rus xalqini chidab bo‘lmas zarbalar bilan ham sindirib bo‘lmaydi.  

“Ular bizning eng yaxshi va himoyasizlarimizga qarshi qonli dahshat bilan irodamizni tor-mor etmoqchi bo‘lishdi. Lekin ular o‘z maqsadiga erisha olmaydi", deydi marhumaning otasi.  

"Bizning yuragimiz qasos olishdan ko‘ra ko‘proq narsani xohlaydi. Bu juda mayda, ruslarga xos emas. Bizga faqat bizning G‘alabamiz kerak... Shunday ekan, g‘alaba qozoning, iltimos!", deydi Dugin. 

Eslatib o‘tamiz, joriy yilning 20 avgust kuni rus faylsufi va siyosatchisi Aleksandr Duginning qizi Darya Dugina Toyota Land Cruiser avtomobiliga o‘rnatilgan qo‘lbola portlovchi uchkuna portlashi oqibatida vafot etdi. 

O‘sha kuni Dugina otasi bilan birga Prezidentning Madaniy tashabbuslar jamg‘armasi, Moskva viloyati Madaniyat va turizm vazirligi hamda Odinsovo ma’muriyati tomonidan qo‘llab-quvvatlanayotgan “An’ana” vatanparvarlik festivalida qatnashgan. Tadbir tugagandan so‘ng, Dugin va qizi birga ketishi kerak bo‘lgan, biroq ma’lum bir sabablarga ko‘ra, ular turli mashinalarda yo‘lga chiqishgan.

Tan olinmagan Donetsk xalq respublikasi rahbari Denis Pushilin o‘zining Telegram'dagi sahifasida Darya Duginaning o‘limida Ukrainani ayblab chiqdi. 

Rossiya Federal xavfsizlik xizmatiga ko‘ra, Darya Duginaning o‘ldirilishini Ukraina maxsus xizmatlari tayyorlagan, ijrochi jinoyatdan keyin Estoniyaga qochib ketgan Ukraina fuqarosi Natalya Vovk. 

Qotillik sodir bo‘lgan kuni Vovk va Shaban "An’anaviy" adabiy va musiqa festivalida bo‘lishdi, u yerda Dugina faxriy mehmon sifatida ishtirok etdi. 21 avgust kuni Dugina boshqaruvidagi Toyota Land Cruiser Prado avtomobilining boshqariladigan portlashidan so‘ng, Vovk va uning qizi Pskov viloyati orqali Estoniyaga jo‘nab ketgan.

Maxfiy xizmatning aniqlik kiritishicha, Duginaning o‘ldirilishini uyushtirish va uning turmush tarzi haqida ma’lumot olish maqsadida Vovk va uning qizi Moskvada marhum yashagan uyda kvartira ijaraga olgan. Jinoyatchilar jurnalistni kuzatish uchun Mini Cooper avtomobilidan foydalangan. Shu bilan birga, Rossiyaga kirishda Donetsk Xalq Respublikasi raqamlari ishlatilgan - E982XN DPR, Moskvada – Qozog‘iston raqamlari 172AJD02 va chiqishda – Ukraina AH7771IP.  


Maqola muallifi

Teglar

Dar'ya Dugina Aleksandr Dugin

Baholaganlar

247

Reyting

3

Maqolaga baho bering

Doʻstlaringiz bilan ulashing