AQSHdagi qor bo‘ronida 10 kishi halok bo‘ldi

AQSH janubini qoplagan qor bo‘roni oqibatida kamida 10 kishi halok bo‘ldi. Bu haqda “New York Times” xabar berdi.

Qayd etilishicha, sovuq oqibatida o‘n kishi halok bo‘lgan, ulardan uch nafari gipotermiya tufayli vafot etgan. Ob-havo tufayli aeroportlar 2 ming reysni bekor qilgan, yana 13 ming reys kechiktirilgan.

Shuningdek, bo‘ron magistral yo‘llarning yopilishiga, samolyot parvozlarining bekor qilinishiga, maktablar va davlat idoralarining yopilishiga olib kelgan.

Xabarga ko‘ra, rekord darajadagi qor yog‘ishi Luiziana, Alabama va Florida shtatlarida kuzatilmoqda. Milliy ob-havo xizmati janubda keskin sovuq havo harorati haqida ham ogohlantirgan.

“Arktika havo massalari Fors ko‘rfazi qirg‘og‘i bo‘ylab bir kechada havo haroratining keng tarqalishiga olib keladi va sovuq havo elektr ta’minotidagi uzilishlarni yomonlashtiradi”, deyiladi xabarda.

Aksariyat janubiy shtatlar, jumladan Luiziana, Missisipi va Alabama qor bo‘roni tufayli birinchi favqulodda holat e’lon qilgan. Ko‘pgina maktablar ishni to‘xtatgan.

22 yanvarga o‘tar kechasi Texasning ba’zi hududlarida havo harorati minus 34 darajagacha, Ayova shtatida esa minus 38 darajagacha pasaygan. Xyustonga taxminan 8 sm qor yoqqan.

Eslatib o‘tamiz, avvalroq AQSHning markaziy hududlariga qattiq qor bo‘roni yopirilishi oqibatida kamida to‘rt kishi hayotdan ko‘z yumgani haqida xabar berilgandi.