Зеленский урушнинг тугаши нимага боғлиқлигини айтди

Россиянинг Украинага қарши бошлаган уруши, расмий Киев ҳамкор давлатлардан кучлироқ ёрдам олган тақдирда тезроқ тугайди. Бу ҳақда Украина Президенти Владимир Зеленский видеомурожаатида маълум қилди.  

“Ишончим комилки, сиз вақти-вақти билан Украина ва Ғарб оммавий ахборот воситаларида бу уруш қанча давом этиши мумкинлиги ҳақидаги хабарларни кўрасиз. Баъзилар буни бир неча ҳафта, бошқалар бир неча йил, дейди. Кимдир уруш шу йилнинг охиригача давом этишини айтади. Кимдир Россия бор экан, у билан доимий қарама-қаршиликка тайёрланишни маслаҳат беради. Албатта, мен ҳам турли прогнозларни эшитаман. Менда баъзи оммавий ахборот воситаларида Россия армиясининг ниятлари ва имкониятлари ҳақида нашр этилганидан кўра кўпроқ маълумотлар бор. Россия иқтисодиётининг салоҳияти ҳақида. Россия Федерациясида жамиятнинг ҳиссий ҳолати тўғрисида. Уруш қанча давом этишини айтишдан олдин буларнинг барчасини ҳисобга олиш керак. Бу Украина ва бутун урушга қарши коалициямиз Россия агрессиясига қарши қўллаётган Россияга таъсир ўтказиш воситаларининг самарадорлигини ҳисобга олишимиз кераклигини англатади”, дейди Зеленский. 

Унинг таъкидлашича, “ҳарбийларнинг жанг майдонидаги муваффақияти ҳақиқатан ҳам катта аҳамиятга эга”. 

“Тарихий аҳамиятга эга. Лекин еримизни босқинчилардан тозалаш учун ҳали етарли эмас”, дейди Президент. 

Зеленскийга кўра, “Россияга қарши санкциялар жуда жиддий, иқтисодий жиҳатдан оғриқли, аммо барибир Россия ҳарбий машинасини воситасиз қолдириш учун етарли эмас”. 

“Биз кучлироқ, бузғунчироқларини тарғиб қилмоқдамиз. Демак, аслида бу икки йўналишда уруш қанча давом этиши аниқланган. Мен бу масалани муҳокама қилаётган барча ҳамкорларимизга доимо айтаманки, тинчликнинг бошланиши бевосита Украинани қўллаб-қувватлаш миқдорига боғлиқ. Бу том маънода босқинчилар яна қанча украиналикни ўлдиришга улгуришига боғлиқ. Агар кимдир: бир йил ёки йиллар деса, мен жавоб бераман: урушни анча қисқартириш сизнинг қўлингизда. Биз барча қурол-яроқларни қанчалик тез ва кўп олсак, бизнинг позицияларимиз шунчалик мустаҳкам бўлади ва тинчлик шунчалик тез бўлади. Биз сўраган молиявий ёрдамни қанчалик тез ва кўп олсак, шунчалик тез тинчлик бўлади. Демократик дунё Россияга қарши нефть эмбаргоси   ва унинг банк секторининг тўлиқ тўхтатилиши тинчлик сари мажбурий қадам эканлигини қанчалик тез тан олса, уруш шунчалик тезроқ тугайди. Шунинг учун биринчи рақамли вазифа дунёни тезлаштиришдир. Қуролли Кучларимиз буни ажойиб тарзда амалга оширмоқда. Улар босқинчиларнинг ҳужумларини тўхтатади. Улар қарши ҳужумларни амалга оширади. Ҳар бир эркак ҳимоячимиздан, ҳар бир аёл ҳимоячимиздан бу улкан меҳнати учун миннатдорман”, деган Президент.

Россия-Украина уруши

Жорий йилнинг 21 февраль куни Россия Президенти Владимир Путин Кремлда Украина шарқидаги ўзини мустақил деб эълон қилган Луганск халқ республикаси (ЛХР) ва Донецк халқ республикасини (ДХР) тан олиш тўғрисидаги фармонни имзолади. Кейинроқ РФ республикаларни шу номдаги вилоятлар чегарасида тан олганини таъкидлаб, Украинага қарши уруш хавфини ошириб юборди.

Путиннинг фавқулодда қарори ортидан АҚШ, ЕИ, Канада, Австралия, Буюк Британия ва Япония расмийлари ҳам Россияга қарши санкциялар киритди.

24 февраль куни Россия Президенти Владимир Путин Украина шарқида Донбассда рус ҳарбийлари "махсус ҳарбий операция" бошлаганини эълон қилди ва рус қўшинлари Украинага ҳужум бошлади. Путин бу ҳаракатини Украина шарқидаги россияпараст сепаратист кучлар раҳбарлари шундай сўров юборгани билан оқлади.

Бундан аввалроқ Зеленский Россия фуқароларига рус тилида мурожаат қилиб, украинларга “на совуқ, на иссиқ, на гибрид уруш керак эмас”лигини, украинлар ҳужумчиларни кутиб олишга тайёрлигини билдирганди. Кўп ўтмай Президент Россия билан дипломатик алоқани узди. Президент Зеленский мамлакатда ҳарбий ҳолат эълон қилди.

25 февраль куни Зеленский Украинада умумий ҳарбий сафарбарлик эълон қилди. Армияга чақирув мамлакатнинг қатор вилоят ва шаҳарларида амалга оширилиши белгиланди.

Рус қўшинлари ҳозиргача Украинага шимол, шарқ ва жанубдан ҳужум қилиб келмоқда ва қатор ҳудудларни эгаллашга эришди. Аммо бу уруш Россиянинг дунёда яккаланиб қолишига олиб келди.

Украинага ҳужум бошланиши Россия иқтисодига оғир зарба берди. Рус компаниялари акциялари кескин арзонлашди, Москва биржасида савдолар мислсиз даражада пасайиш билан ўтди. Газпром, ЛУКОЙЛ ва бошқа йирик компаниялар йўқотишларга учради.

Ҳужум бошлангач, Европа давлатлари ва АҚШ Россияга қарши бир неча босқичли санкциялар жорий қилди. Россиянинг ВТБ, “Россия” банки, “Открытия”, “Новикомбанк”, “Промсвязьбанк”, “Совкомбанк” ва ВЭБ.РФ банклари SWIFT халқаро банклараро тизимидан узилди. АҚШ ва Европа Иттифоқи Россиянинг олтин-валюта захирасини блоклади.

Европа давлатлари, АҚШ, Канада Россия учун ўз ҳаво ҳудудини ёпди. Бу санкцияларга нейтрал давлат ҳисобланган Швейцария ҳам қўшилди. Уруш фонида Украинани Европа Иттифоқи аъзолигига қабул қилиш жараёни тезлашди.