Паралимпиада-2024: Ўзбекистон ҳисобидаги медаллар сони яна биттага кўпайди
Спорт
−
07 Сентябрь 21802
Францияда бўлиб ўтаётган 2024 йилги Париж ёзги Паралимпиада ўйинларининг пара дзюдо баҳсларида ўзбекистонлик Довурхон Кароматов учинчи ўринга эгалик қилиш учун татамига чиқди.
Мусобақада эркаклар ўртасида J2 классида -90 кг вазн тоифасида бронза медаль учун кураш олиб борган Довурхон Кароматов грузиялик Лаша Кизилашвилини мағлубиятга учратди ва делегация ҳисобига 7-бронза медални қўшиб қўйди.
Шу тариқа, Ўзбекистон делегацияси ҳисобидаги медаллар ҳозирча 26 та – 10 та олтин, 9 та кумуш ва 7 та бронзага етди. Умумжамоа ҳисобда 11-ўринда бормоқда.
Маълумот учун, бу Довурхон Кароматовнинг фаолиятидаги иккинчи Паралимпия медали ҳисобланади. У бундан аввал 2020 йилги Токио Паралимпиадасида кумуш медални қўлга киритган.
Эслатиб ўтамиз, аввалроқ Паралимпиада ўйинларининг пара пауэрлифтинг баҳсларида -73 кг вазн тоифасида ўзбекистонлик Рўза Қўзиева 147 кг тошни ўзига бўйсундириб, кумуш медалга сазовор бўлганди.
Live
Барчаси
