Ислом Махачев Тошкентга келди (видео)

Енгил вазн тоифаси UFC чемпиони Ислом Махачев Тошкентда бўлиб ўтаётган дзюдо турнирида ҳамюртини қўллаб-қувватлаш учун етиб келди. Бу ҳақда у ўз Instagram'ида маълум қилди.

Тошкентда бугун, 28 февраль куни дзюдо бўйича “Катта дубулға” турнири старт олди. Махачев ушбу мусобақада иштирок этаётган Россия терма жамоаси вакили Карим Аблуллаевни қўллаб-қувватлаш учун келди. У ижтимоий тармоқда эълон қилган видеода эса Махачев Миллий Олимпия қўмитаси раиси ўринбосари Отабек Умаров билан кўришгани тасвирланган.

Маълумот ўрнида, Махачев енгил вазн тоифасида UFC чемпиони ҳисобланади. Сўнгги бор у 2025 йилнинг 18 январида октагонга чиққан ва ўшанда бразилиялик Ренато Мойканони биринчи раунддаёқ бўғиш услуби орқали мағлуб этиб, чемпионлик камарини ўзида сақлаб қолган эди.

Эслатиб ўтамиз, кеча, 27 февраль куни мазкур турнир доирасида Ўзбекистонда бўлиб турган  Халқаро дзюдо федерацияси раҳбари Мариус Визерга “Дўстлик” ордени топширилганди.