Абдусатторов Жаҳон чемпионатида ярим финалга чиқди

Нодирбек Абдусатторов Германиянинг Вайзенхаус шаҳрида бўлиб ўтаётган фристайл бўйича Жаҳон чемпионатининг ярим финал босқичига чиқди.

Кеча, 13 февраль куни мусобақанинг саралаш баҳслари якунланди. Унда 8 нафар шахматчи иштирок этди. 7 тур натижасига кўра, Абдусатторов 4 очко тўплаб, кучли тўртликка кирди ва ярим финалга йўлланма қўлга киритди. 

Жавоҳир Синдоров эса 3 очко билан 7-ўринни эгаллаб, мусобақада ғалаба қозониш имкониятини йўқотди.

Бугун, 14 февраль куни Абдусатторов ярим финалда норвегиялик Магнус Карлсенга қарши баҳс олиб боради. Иккинчи ярим финалда эса Винсент Кеймер ва Фабиано Каруана ўзаро кураш олиб боради. Мусобақанинг финали эса эртага, 15 февраль куни бўлиб ўтади.

Эслатиб ўтамиз, жорий йилнинг 1 февраль куни Нодирбек Абдусатторов Нидерландиянинг Вейк-ан-Зее шаҳри бўлиб ўтган шахмат бўйича анъанавий Tata Steel Chess мусобақаси бош совринини қўлга киритганди.