Зеленский АҚШ ваъда қилган қуролини берганини айтди

Украина аллақачон АҚШдан олдиндан ваъда қилинган NASAMS (Норвегиянинг “ер-ҳаво” типидаги такомиллаштирилган ракета мажмуаси) зенит-ракета комплексларини олди. Бу ҳақда мамлакат Президенти Владимир Зеленский маълум қилди.

“Мен Президент Байденга қабул қилинган ижобий қарор учун миннатдорлик билдирмоқчиман. Ва АҚШ Конгрессига. Биз NASAMS’ни олдик”, дейди сиёсатчи .телеканалига берган интервьюсида.

Эслатиб ўтамиз, Қўшма Штатлар июль ойида Украина Қуролли кучлари ихтиёрига NASAMS зенит-ракета комплексларини тақдим этишга ваъда бериб, Украина Қуролли кучлари ушбу қуролларни бир неча ой ичида олишини айтган эди.

NASAMS – бу мобил ўрта масофага мўлжалланган зенит-ракета тизими. Ҳар қандай об-ҳаво шароитида паст ва ўрта баландликдаги ҳаво нишонларини нишонга олиш учун мўлжалланган. NASAMS масофаси 55 дан 180 км гача, қурилма 30 метрдан 16 километргача бўлган узоқликдаги нишонлани йўқ қила олади.

Россия-Украина уруши

Жорий йилнинг 21 февраль куни Россия Президенти Владимир Путин Кремлда Украина шарқидаги ўзини мустақил деб эълон қилган Луганск халқ республикаси (ЛХР) ва Донецк халқ республикасини (ДХР) тан олиш тўғрисидаги фармонни имзолади. Кейинроқ РФ республикаларни шу номдаги вилоятлар чегарасида тан олганини таъкидлаб, Украинага қарши уруш хавфини ошириб юборди.

Путиннинг фавқулодда қарори ортидан АҚШ, ЕИ, Канада, Австралия, Буюк Британия ва Япония расмийлари ҳам Россияга қарши санкциялар киритди.

24 февраль куни Россия Президенти Владимир Путин Украина шарқида Донбассда рус ҳарбийлари "махсус ҳарбий операция" бошлаганини эълон қилди ва рус қўшинлари Украинага ҳужум бошлади. Путин бу ҳаракатини Украина шарқидаги россияпараст сепаратист кучлар раҳбарлари шундай сўров юборгани билан оқлади.

Бундан аввалроқ Зеленский Россия фуқароларига рус тилида мурожаат қилиб, украинларга “на совуқ, на иссиқ, на гибрид уруш керак эмас”лигини, украинлар ҳужумчиларни кутиб олишга тайёрлигини билдирганди. Кўп ўтмай Президент Россия билан дипломатик алоқани узди. Президент Зеленский мамлакатда ҳарбий ҳолат эълон қилди.

25 февраль куни Зеленский Украинада умумий ҳарбий сафарбарлик эълон қилди. Армияга чақирув мамлакатнинг қатор вилоят ва шаҳарларида амалга оширилиши белгиланди.

Рус қўшинлари ҳозиргача Украинага шимол, шарқ ва жанубдан ҳужум қилиб келмоқда ва қатор ҳудудларни эгаллашга эришди. Аммо бу уруш Россиянинг дунёда яккаланиб қолишига олиб келди.

Украинага ҳужум бошланиши Россия иқтисодига оғир зарба берди. Рус компаниялари акциялари кескин арзонлашди, Москва биржасида савдолар мислсиз даражада пасайиш билан ўтди. Газпром, ЛУКОЙЛ ва бошқа йирик компаниялар йўқотишларга учради.

Ҳужум бошлангач, Европа давлатлари ва АҚШ Россияга қарши бир неча босқичли санкциялар жорий қилди. Россиянинг ВТБ, “Россия” банки, “Открытия”, “Новикомбанк”, “Промсвязьбанк”, “Совкомбанк” ва ВЭБ.РФ банклари SWIFT халқаро банклараро тизимидан узилди. АҚШ ва Европа Иттифоқи Россиянинг олтин-валюта захирасини блоклади.

Европа давлатлари, АҚШ, Канада Россия учун ўз ҳаво ҳудудини ёпди. Бу санкцияларга нейтрал давлат ҳисобланган Швейцария ҳам қўшилди. Ур