Россия Сурия билан мулоқотни давом эттиради
Олам
−
29 Январь
5096Россия Федерацияси Суриянинг янги ҳукумати вакиллари билан мулоқотни давом эттиради. Бу ҳақда бугун, 29 январь куни Россия Президенти матбуот котиби Дмитрий Песков журналистлар билан бўлиб ўтган учрашувда маълум қилди.
Унинг қайд этишича, кеча, 28 январь куни Россия делегацияси ҳокимият алмашганидан кейин илк бор Сурия пойтахти Дамашққа ташриф буюрган. Ташриф давомида Россия вакиллари Суриянинг янги ҳокимияти аъзолари билан музокаралар ўтказган.
Песков журналистлар билан бўлган брифингда ушбу музокаралар ҳақида гапирган. Шунингдек, у Сурия Россия учун муҳим давлат эканини таъкидлаган.
“Бу муҳим саёҳат, бу муҳим алоқалар, чунки Сурия расмийлари билан доимий мулоқотни йўлга қўйиш ва давом эттириш зарур, биз буни қиляпмиз ва қилишда давом этамиз”, деган Песков.
Бундан ташқари, ундан ушбу музокараларда Сурия расмийлари Россиядан Суриянинг собиқ президенти Башар Асадни экстрадиция қилиш учун маълум миқдорда компенсация сўрагани ҳақидаги хабарларга изоҳ бериш сўралган.
“Мен буни ҳеч қандай изоҳсиз қолдираман, биз Сурия расмийлари билан мулоқотни давом эттирамиз”, деган Кремль вакили.
Эслатиб ўтамиз, аввалроқ Суриянинг янги ўтиш даври ҳукумати Россия компанияси билан Тартус денгиз портини бошқариш бўйича келишувни бекор қилганди.
LiveБарчаси
17 Февраль