Ислом Махачев UFC'нинг энг кучли жангчилари қаторига кирди

Австралиялик Александр Волкановски UFC'нинг вазн тоифасидан (pound for pound) қатъи назар энг кучли жангчиси мақомини сақлаб турибди. Бу ҳақда UFC матбуот хизмати хабар бермоқда.

Янги Зеландия вакили Исраэль Адесанья эса иккинчи поғонага жойлашган. Чарльз Оливейрани мағлуб этиб, UFC чемпионига айланган Ислом Махачев эса кучли учликка якун ясаб берган.

Қайд этиш керакки, доғистонлик жангчи UFC'нинг вазн тоифасидан қатъий назар энг кучли жангчилари қаторига илк бор киритилди.

UFC’нинг вазн тоифасидан қатъий назар энг кучли 15 нафар жангчиси билан танишинг:

1. Александр Волкановски
2. Исраэль Адесанья
3.Ислoм Махачев
4. Камару Усман
5. Леон Эдвардс
6. Фрэнсис Нганну
7. Чарльз Оливейра
8. Алжамейн Стерлинг
9. Иржи Прохазка
10. Дейвесон Фигередо
11. Дастин Порье
12. Жон Жонс
13. Макс Холлоуэй
14. Брэндон Морено
15. Роберт Уиттакер.

Аввалроқ, Махачевнинг навбатдаги рақиби Александр Волкановски бўлиши мумкинлиги тўғрисида хабарлар тарқалган эди. Агарда, Ислом Волкановски билан жангда ғалаба қозонса, UFC'нинг энг кучли жангчисига айланиши мумкин.

Эслатиб ўтамиз, Ислом Махачев жорий йилнинг 22 октябрь куни бўлиб ўтган UFC 280 турнирида Чарльз Оливейрани мағлуб этиб, енгил вазн тоифасининг янги чемпионига айланганди.