Трамп юбилейида Оқ уйда жанг уюштиради
Спорт
−
06 Октябрь 3806
АҚШ Президентининг қароргоҳи бўлмиш Оқ уйда бўлиб ўтиши режалаштирилган UFC кечасининг ўтказилиш санаси маълум қилинди. Бу ҳақда rеча, 5 октябрь куни АҚШ Президенти Дональд Трамп АҚШ ҳарбий-денгиз кучлари шарафига ўтказилган парадда сўз очди.
“Келаси йилнинг 14 июнь куни Оқ уй ҳудудида UFC’нинг йирик жанги бўлиб ўтади”, деган Трамп.
Қайд этиш жоиз, айнан шу куни Трамп 80 ёшини нишонлайди. Ушбу жанг кечасида ирландиялик Конор Макгрегор, америкалик Жон Жонс, грузиялик Мераб Двалишвили, испания-грузиялик Илия Топурия, чеченистонлик Ҳамзат Чимаев ва бошқа кўплаб UFC жангчилари иштирок этади.
Турнирни шахсан UFC президенти Дана Уайт ташкил этмоқда. Унинг айтишича, ҳозирда лига ходимлари логистика масалалари устида ишламоқда, иштирокчилар рўйхати эса 2026 йил февраль ойидан бошлаб тузила бошлайди.
Эслатиб ўтамиз, аввалроқ Конор Макгрегор мазкур жанг кечаси юзасидан UFC билан эмас, балки АҚШ Президенти Дональд Трамп маъмурияти билан музокаралар олиб бораётгани ҳақида хабар берилганди.
Жаҳонгир Иномжонов
