Анталиядаги ўрмон ёнғинлари авж олмоқда. Қурбон ҳам бор

Аввалроқ, Туркиянинг Анталия провинциясидаги Манавгат туманида кенг кўламли ўрмон ёнғини содир бўлгани, ёнғин оқибатида ўнлаб гектар ўрмонлар ёниб кетгани ва бешта турар-жой аҳолисини эвакуация қилишга тўғри келгани ҳақида хабар бергандик.  

Сўнгги маълумотларга кўра, Манавғат курорт шаҳри яқинидаги ўрмон ёнғинида камида бир киши ҳалок бўлган, ёнғин натижасида камида 62 киши жароҳат олган. Бу ҳақда мамлакат Қишлоқ ва ўрмон хўжалиги вазири Бекир Пакдемирли хабар берган.  

Қайд этилишича, ёнғин қурбони Туркиянинг 82 ёшли фуқароси бўлган. 

“Манавғатдаги ёнғин назорат остида, аммо Аксеки ҳудудида ҳали ҳам ёнғин бор, у ерда бир киши ҳалок бўлди. Ёнғин туфайли яна 10 киши Оймапинар тўғонида қолиб кетди”, деган Пакдемирли у одамларнинг ҳаётига ҳеч нарса таҳдид солмаслигини таъкидлаб. 

Вазир, шунингдек, Анталиядаги 18 та қишлоқ ва туман эвакуация қилинганини маълум қилган. 

Аввалроқ, Туркия шимоли-шарқидаги Риза ва Артвин провинцияларида тошқин содир бўлгани ҳақида хабар берган эдик.