Англия чемпионати 1 дақиқалик сукут билан бошланади
Спорт
−
13 Август 5284 1 дақиқа
Англия Премьер-лигасининг 2025/2026 йилги мавсумидаги 1-тур ўйинлари “Ливерпул”нинг марҳум футболчиси Диогу Жота ва унинг укаси Андре Силвани хотирлаш мақсадида бир дақиқалик сукут билан бошланади. Бу ҳақда BBC хабар берди.
Манбага кўра, 1-тур учрашувларида футболчилар қора рангли боғич тақиб ўйнайди. Бу автоҳалокат оқибатида вафот этган португалиялик футболчилар Диогу Жота ва унинг укаси Андре Силванинг хотирасига ҳурмат рамзи маъносида амалга оширилади.
Эслатиб ўтамиз, жорий йилнинг 3 июль куни ака-ука футболчилар Испанияда биргаликда ҳалок бўлганди. Жота 2020 йилдан бери “Ливерпул” сафида тўп суриб келарди. “Қизиллар” таркибида у Англия Премер-лигасида ва ички кубокларда ғалаба қозонган. Португалия терма жамоаси билан эса УЕФА Миллатлар лигаси чемпиони бўлган.
