Ўзбекистонлик етти спортчида допинг аниқланди – Антидопинг агентлиги

Спорт 11643
image

2021 йилнинг 9 ойи давомида Ўзбекистонда 7 нафар спортчида допинг аниқланди. Уларнинг 3 нафари халқаро мусобақа иштирокчиси бўлган. Бу ҳақда бугун, 13 октябрь куни АОКАда ўтказилган брифингда Миллий антидопинг агентлиги ахборот хизмати раҳбари Ҳумоюн Омонов маълум қилинди.

Қайд этилишича, агентлик томонидан ўтган 9 ой давомида барча спорт турлари бўйича ўзбекистонлик спортчилардан 312 та допинг тестлари олинган ва 4 та спортчи тақиқланган модда истеъмол қилганлиги аниқланган. Бундан ташқари, 3 та халқаро мусобақада ҳам допинг тестларини олиш Агентликка ишониб топширилган. Бунда 41 та спортчи текширувдан ўтказилиб, уларнинг  3 нафари тақиқланган модда истеъмол қилгани маълум бўлган.

Токио-2020 ёзги Олимпия ва Паралимпия ўйинлари давомида ўзбекистонлик олимпия спотчиларидан жами 16 та допинг-синама олиниб, улардан 11 таси мусобақадан олдин ва 5 таси мусобақа даврига, яъни бевосита мусобақалар финалидан кейинга тўғри келган. 

Ўзбекистонлик Паралимпиячилардан эса жами 39 та допинг-синама олинди, улардан 21 таси мусобақадан олдин ва 18 таси мусобақа даврига, яъни мусобақалар финалидан кейинга тўғри келди. Мусобақадан олдин олинган тезкор допинг-синамаларнинг бирортасида тақиқланган моддалар аниқланмагани боис улар баҳсларда иштирок этишди. 

Мусобақа совринли ўринларга сазовор бўлган жаҳон ҳамда олимпия ва паралимпия рекордларини ўрнатган ўзбекистонлик спортчилар допинг-текширувидан ўтишган. Одатда улар тезкор таҳлил қилинмаслиги боис натижалар белгиланган муддатларда эълон қилиниши айтилган.

Абдулла Маннонов
Мақолага баҳо беринг
Баҳолаганлар: 473
Рейтинг: 3
t
×