Юридик шахслар учун “свет” ва газнинг нархи ошади

Жорий йилнинг 1 октябридан кучга кирадиган ёқилғи-энергетика ресурсларининг янги тарифлари тасдиқланди. Бу ҳақдаги “Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида”ги Вазирлар Маҳкамасининг қарори қабул қилинди.

Унга кўра, аҳоли учун тарифлар ўзгаришсиз қолди. Яъни 1 октябрдан сўнг ҳам аҳолига электр энергияси 295 сўмдан, табиий газ 380 сўмдан ва суюлтирилган газ 1120 сўмдан сотилади. Фақат қуйидаги юридик шахслар учун тарифлар оширилган:

• ОКМК, НКМК, “Ўзметкомбинат” ва унинг таркибига кирувчи ишлаб чиқарувчи корхоналар, шунингдек, бюджет ташкилотлари учун электр энергияси тарифлари 1 кВт соат 1 000 сўм, бошқа ташкилотларга 900 сўм этиб белгиланган.
• Табиий газ эса ОКМК, НКМК, “Ўзметкомбинат” ва унинг таркибига кирувчи ишлаб чиқарувчи корхоналар, шунингдек, бюджет ташкилотларига 1 куб метр учун 1 800 сўм, бошқа ташкилотлар учун 1 500 сўм бўлиши таклиф этилган.

Эслатиб ўтамиз, олдинроқ аҳоли учун электр энергияси тарифларини ошириш ҳамда табақалаштирилган тарифларни жорий қилиш бўйича таклифлар киритиш 2024 йилнинг май ойига режалаштирилаётгани хабар қилинганди.