Joriy o‘quv yili uchun to‘lov-kontrakt miqdorlari tasdiqlandi

O‘zbekiston Respublikasi ta’lim tashkilotlariga qabul qilish bo‘yicha Davlat komissiyasi majlisining tegishli bayoniga muvofiq, oliy ta’lim muassasalarining bakalavriat va magistratura bosqichi talabalariga 2025/2026 o‘quv yili uchun to‘lov-kontrakt miqdorlari tasdiqlandi. Bu haqda Oliy ta’lim, fan va innovatsiyalar vazirligi xabar berdi.

Davlat oliy ta’lim tashkilotlarida bitta talabani bazaviy to‘lov-kontrakt asosida bir yillik o‘qitish qiymati miqdorlari quyidagicha:

Davlat komissiyasi bayoniga muvofiq, 2025/2026 o‘quv yilida respublika davlat oliy ta’lim tashkilotlariga to‘lov-kontrakt asosida talabalikka tavsiya etilgan abituriyentlar uchun belgilangan to‘lov miqdorining kamida 25 foizini to‘lash muddati 2025 yil 30 oktyabrgacha uzaytirildi.

Shuningdek, respublika oliy ta’lim tashkilotlariga iqtisodiyot tarmoqlarida kamida 5 yil ish stajiga ega bo‘lgan va tegishli tavsiyanoma asosida suhbat bilan qabul qilinganlar uchun to‘lov-kontrakt miqdorlari – 2025/2026 o‘quv yili uchun belgilangan bakalavriat ta’lim yo‘nalishlari va shakli bo‘yicha bazaviy to‘lov-kontrakt qiymati miqdorlariga nisbatan 2 barobar miqdorida belgilandi.

Qayd etish joiz, oldinroq O‘zbekiston Respublikasi ta’lim tashkilotlariga qabul qilish bo‘yicha Davlat komissiyasi majlisining tegishli bayoniga muvofiq, 2025/2026 o‘quv yili uchun kirish imtihonlari natijalariga ko‘ra, 56,7 va undan yuqori ball to‘plagan, lekin talabalikka tavsiya etilmagan abituriyentlarni bakalavriat ta’lim yo‘nalishlariga qo‘shimcha qabul qilishda tabaqalashtirilgan to‘lov-kontrakt miqdori rektor (direktor) tomonidan mustaqil belgilash amaliyoti joriy etilishi haqida xabar berilgan edi.

Eslatib o‘tamiz, avvalroq O‘zbekiston Respublikasi ta’lim tashkilotlariga qabul qilish bo‘yicha Davlat komissiyasi bayoniga muvofiq, 2025/2026 o‘quv yili uchun bakalavriat ta’lim yo‘nalishlarida qolgan vakant o‘rinlarga qo‘shimcha qabul amalga oshirilishi haqida xabar berilgan edi.