Zelenskiy Ukrainaning YeIga qo‘shilishi uchun muhlat belgiladi

Ukraina Prezidenti Vladimir Zelenskiy mamlakatning Yevropa Ittifoqiga a’zo bo‘lishi uchun “ichki” dedlaynni belgilab berdi. Bu haqda Ukraina Tashqi ishlar vaziri Dmitriy Kuleba ma’lum qildi.

“Bizda hukumat emas, lekin shaxsan Prezident Zelenskiy Ukrainaning Yevropa Ittifoqiga qo‘shilishi uchun ichki muddatni belgilagan. Lekin men sizga aytmayman”, deydi u “Forbes Ukraina” jurnaliga bergan intervyusida.

Kulebaning so‘zlariga ko‘ra, qaror ijrosi faqatgina Ukrainaga emas, Yevropa Ittifoqiga ham bog‘liq.

“Agar biz belgilangan muddatni e’lon qilsak, YeIda kimnidir shunchalik qo‘rqitishi mumkinki, u Ukrainaning Yevropa integratsiyasi bilan bog‘liq hamma narsani ataylab sekinlashtiradi”, deya qo‘shimcha qilgan TIV rahbari.

23 iyun kuni YeI sammiti ishtirokchilari Ukrainaga Ittifoqqa qo‘shilish uchun nomzod maqomini bir qator shartlar bilan berishga qaror qilishdi, uning ijrosi bajarilmasdan bu mavzu bo‘yicha muzokaralar davom ettirilmaydi. Kiyev korrupsiyaga qarshi kurashni kuchaytirishi, chuqur sud-huquq islohoti va de-oligarxizatsiyani amalga oshirishi kerak. Yevrokomissiya prezidenti Ursula fon der Lyayenning so‘zlariga ko‘ra, Kiyevda “juda aniq Yevropa istiqboli” bor, biroq Yevropa Ittifoqiga a’zo bo‘lish yo‘li vaqt va mashaqqatli mehnat talab qiladi.