Zelenskiy marixuanani qonuniylashtirdi

Ukraina Prezidenti Vladimir Zelenskiy tibbiy kannabis (marixuana)ni qonuniylashtirish haqidagi qonunni imzoladi. Bu haqda Ukraina parlamenti saytida xabar paydo bo‘ldi.

Oliy Rada qonunni 2023 yil 21 dekabrda qabul qilgan. Kiritilgan tuzatishlar tibbiyot, ishlab chiqarish, ta’lim va ilmiy faoliyatda kannabisning aylanishini tartibga soladi. Qonunga ko‘ra, kanop o‘simliklari va ulardan tayyorlangan mahsulotlarni dam olish uchun sotish taqiqlanadi.

Qonunda faqat yuridik shaxslar marixuanani tibbiy maqsadlarda etishtirishi mumkinligi aytilgan. Ishlab chiqarish maydonchasi 24 soatlik videokuzatuv ostida bo‘ladi, politsiya esa yozuvlardan foydalanish imkoniyatiga ega bo‘ladi. Har bir etishtirish inshooti, shuningdek, har bir buta va tayyor mahsulot (ham kannabis o‘simliklari, ham kannabis asosidagi dori vositalari) individual elektron kodlashdan o‘tadi. 

Qonunda marixuananing asosiy faol moddasi bo‘lgan tetraxidrokannabinolning tibbiy kannabis tarkibida "0,3 foizga teng yoki undan ko‘p" ekanligi aytiladi.

Qonun bugun, 16 fevraldan kuchga kiradi va uning to‘liq amalga oshirilishi olti oydan keyin boshlanadi.

Ukraina rasmiylari kannabisni tibbiy maqsadlarda qonuniylashtirish zarurligini, shu jumladan, bunday dorilar travmadan keyingi stress buzilishi bilan kasallangan harbiy xizmatchilarni reabilitatsiya qilish uchun talab qilinishini tushuntirdi.