Yoshlar mundialida o‘zbek bokschilari g‘alabali seriyani davom ettirmoqda
Sport
−
18 noyabr 2022 3004
Ispaniyaning La Nusiya shahrida boks bo‘yicha yoshlar o‘rtasida Jahon chempionati bahslari davom etmoqda. 17 noyabr kunidagi janglarda 4 nafar O‘zbekiston vakili ringga ko‘tarildi.
-51 kg vaznda Ziyovuddin Alijonov Kolumbiya vakili David Ospinoni mutlaq ustunlik bilan mag‘lubiyatga uchratdi. -92 kg vazn toifasida Aynazar Kenesbayev meksikalik Daniyel Lopesga qarshi jang qildi va 5:0 hisobida g‘alabaga erishdi. -67 kg vazn toifasida Javohir Ummataliyev JCHdagi ikkinchi jangini ispaniyalik Ganda Kulibaliga qarshi o‘tkazib, hakamlar qaroriga ko‘ra u ham 5:0 hisobidagi g‘alabani qayd etdi. -80 kgda Rahmatillo Boymatov irlandiyalik Rayan Kollins bilan bahsda raqibini dog‘da qoldirdi.
Eslatib o‘tamiz, bungacha o‘zbekistonlik yosh bokschilar Rossiya Federatsiyasining Anapa shahrida o‘tkazilgan xalqaro musobaqada muvaffaqiyatli ishtirok etishgandi.
Live
Barchasi
