Ёшлар мундиалида ўзбек боксчилари ғалабали серияни давом эттирмоқда

Спорт 2006
image

Испаниянинг Ла Нусия шаҳрида бокс бўйича ёшлар ўртасида Жаҳон чемпионати баҳслари давом этмоқда. 17 ноябрь кунидаги жангларда 4 нафар Ўзбекистон вакили рингга кўтарилди.

-51 кг вазнда Зиёвуддин Алижонов Колумбия вакили Давид Оспинони мутлақ устунлик билан мағлубиятга учратди. -92 кг вазн тоифасида Айназар Кенесбаев мексикалик Даниель Лопесга қарши жанг қилди ва 5:0 ҳисобида ғалабага эришди. -67 кг вазн тоифасида Жавоҳир Умматалиев ЖЧдаги иккинчи жангини испаниялик Ганда Кулибалига қарши ўтказиб, ҳакамлар қарорига кўра у ҳам 5:0 ҳисобидаги ғалабани қайд этди. -80 кгда Раҳматилло Бойматов ирландиялик Райан Коллинс билан баҳсда рақибини доғда қолдирди. 

Эслатиб ўтамиз, бунгача ўзбекистонлик ёш боксчилар Россия Федерациясининг Анапа шаҳрида ўтказилган халқаро мусобақада муваффақиятли иштирок этишганди.

Шахзод Шукуров
Мақолага баҳо беринг
Баҳолаганлар: 32
Рейтинг: 2.9
Теглар
t
×