Yangi yil bayramida Toshkentda jamoat transporti qanday ishlashi ma’lum bo‘ldi

Toshkentda 31 dekabr, 1, 2, 3, 4 va 8 yanvar kunlari jamoat transportining qay tartibda ishlashi belgilandi. Bu haqda “Toshshahartransxizmat” AJ xabar berdi.

Bunga ko‘ra:

• 2021 yil 31 dekabr - dam olish kuni. Shanba kunlari uchun tasdiqlangan jadval asosida, ish vaqtining tugashi 1 (bir) soatga uzaytirilmoqda;
• 2022 yil 1 yanvar - dam olish kuni. Yakshanba kunlari uchun tasdiqlangan jadvallar soni 40 foizga kamaytirilgan holda ishga chiqarilishi rejalashtirilgan;
• 2022 yil 2 yanvar - dam olish kuni. Yakshanba kunlari uchun tasdiqlangan jadvallar bo‘yicha harakatlanish ko‘zda tutilgan;
• 2022 yil 3 yanvar - dam olish kuni. Yakshanba kunlari uchun tasdiqlangan jadvallar bo‘yicha harakatlanish ko‘zda tutilgan;
• 2022 yil 4 yanvar - dam olish kuni. Yakshanba kunlari uchun tasdiqlangan jadvallar bo‘yicha harakatlanish ko‘zda tutilgan;
• 2022 yil 8 yanvar -shanba, ish kuni. Ish kunlari uchun tasdiqlangan jadvallar bo‘yicha harakatini davom ettirishi belgilab qo‘yildi.

Avvalroq Toshkentda “Yangi O‘zbekiston” bog‘iga 2022 yilning 10 yanvarigacha bepul avtobus qatnovi yo‘lga qo‘yilgani haqida xabar bergan edik.