O‘zbekistonlik bokschilar yoshlar mundialida muvaffaqiyatli odimlamoqda
Sport
−
21 noyabr 2022 3786
Ispaniyaning La Nusiya shahrida bo‘lib o‘tayotgan yoshlar o‘rtasidagi Jahon chempionatida chorak finalchilar saralab olindi. Kecha, 20 noyabr kungi bahslarda 4 nafar o‘zbekistonlik bokschi mamlakat sharafini himoya qildi.
-80 kg vaznda Rahmatillo Boymatov albaniyalik Luis Gyolenani 5:0 hisobida mag‘lubiyatga uchratdi. -92 kg vazn toifasida Aynazar Kenesbayev irlandiyalik raqibidan katta farq bilan ustun keldi. -71 kgda Fazliddin Erkinboyev Hindiston vakili Sahil Chauxanni, -57 kg vazn toifasida Baxtiyor Asadov irlandiyalik Kolm Farrellni muxlislar qatoriga kuzatib qo‘ydi.
20 noyabr kungi natijalarga ko‘ra 4 nafar o‘zbekistonlik bokschi ham chorak finalga yo‘l oldi.
Ma’lumot uchun, turnirning chorak final janglari 22 noyabr kuni bo‘lib o‘tadi.
Live
Barchasi
