Ўзбекистонлик боксчилар ёшлар мундиалида муваффақиятли одимламоқда
Спорт
−
21 Ноябрь 2022 3787
Испаниянинг Ла Нусия шаҳрида бўлиб ўтаётган ёшлар ўртасидаги Жаҳон чемпионатида чорак финалчилар саралаб олинди. Кеча, 20 ноябрь кунги баҳсларда 4 нафар ўзбекистонлик боксчи мамлакат шарафини ҳимоя қилди.
-80 кг вазнда Раҳматилло Бойматов албаниялик Луис Гёленани 5:0 ҳисобида мағлубиятга учратди. -92 кг вазн тоифасида Айназар Кенесбаев ирландиялик рақибидан катта фарқ билан устун келди. -71 кгда Фазлиддин Эркинбоев Ҳиндистон вакили Саҳил Чауханни, -57 кг вазн тоифасида Бахтиёр Асадов ирландиялик Кольм Фарреллни мухлислар қаторига кузатиб қўйди.
20 ноябрь кунги натижаларга кўра 4 нафар ўзбекистонлик боксчи ҳам чорак финалга йўл олди.
Маълумот учун, турнирнинг чорак финал жанглари 22 ноябрь куни бўлиб ўтади.
Live
Барчаси
