O‘zbekistonda kunduzgi ta’limda o‘qiydigan talabalar soni rekord darajaga yetdi

Oliy ta’lim tashkilotlarining kunduzgi ta’lim shaklida tahsil olayotgan talabalar soni so‘nggi 10 yilda 2,7 barobarga oshdi. Bu haqda Milliy statistika qo‘mitasi xabar berdi.

Ma’lumotlarga ko‘ra, 2024/2025 o‘quv yili boshida O‘zbekistonda faoliyat yuritayotgan oliy ta’lim tashkilotlarining kunduzgi ta’lim shaklida tahsil olayotgan talabalarning umumiy soni 707,3 ming nafarni tashkil etgan.

Ushbu ko‘rsatkichni 2015/2016 o‘quv yili boshiga nisbatan taqqoslaganda 443,4 ming nafarga yoki 2,7 barobarga oshgan.

Kunduzgi ta’lim shaklida tahsil olayotgan talabalarning umumiy soni yillar kesimida quyidagicha:

• 2015/2016 o‘quv yili boshiga – 263,9 ming nafar;
• 2016/2017 o‘quv yili boshiga – 267,9 ming nafar;
• 2017/2018 o‘quv yili boshiga – 287,5 ming nafar;
• 2018/2019 o‘quv yili boshiga – 313 ming nafar;
• 2019/2020 o‘quv yili boshiga – 360,1 ming nafar;
• 2020/2021 o‘quv yili boshiga – 441,8 ming nafar;
• 2021/2022 o‘quv yili boshiga – 553,9 ming nafar;
• 2022/2023 o‘quv yili boshiga – 622,6 ming nafar;
• 2023/2024 o‘quv yili boshiga – 661,8 ming nafar;
• 2024/2025 o‘quv yili boshiga – 707,3 ming nafarni tashkil etgan.

Eslatib o‘tamiz, avvalroq 2024/2025 o‘quv yili boshiga ko‘ra, O‘zbekistonda joylashgan oliy ta’lim tashkilotlarida tahsil olayotgan xorijlik talabalarning umumiy soni 12,5 ming nafarni tashkil etishi haqida xabar berilgan edi.