Rossiyaga ketmoqchi bo‘lganlar diqqatiga! RFga kirish yo‘li kengaydi

north_east

Yo‘l bo‘lsin?! Kimlar Rossiyaga ketishi mumkin?

O‘zbekiston fuqarolari joriy yilning 14 aprelidan boshlab Rossiyaga nafaqat O‘zbekistonning o‘zidan balki uchinchi davlatlar orqali ham kirib kelishlari mumkin. Bu haqda Rossiyaning O‘zbekistondagi elchixonasi ma’lum qildi.

Buning uchun faqat ushbu uchinchi davlat va Rossiya orasida doimiy aviaparvozlar yo‘lga qo‘yilganmi-yo‘qmi – aniq bilish kerak. Masalan, Qozog‘iston, Qirg‘iziston va Tojikiston orqali amalga oshirilayotgan parvozlardan mutlaq qonuniy foydalanish mumkin.

Oldin O‘zbekiston fuqarolari uchinchi davlat orqali Rossiyaga kirib kelishlari uchun ushbu davlatlarda yashashga ruxsatnomaga ega bo‘lishlari kerak edi. Hozir bu talabdan voz kechilgan.

Eslatib o‘tamiz, O‘zbekiston va Rossiya orasida doimiy aviaparvozlar 1 apreldan boshlab yo‘lga qo‘yilgan edi. Xususan “Moskva-Toshkent-Moskva” yo‘nalishida Aeroflot aviakompaniyasining parvozi bilan har yakshanba kunlari parvoz qilish mumkin.

Shuningdek, 7 apreldan boshlab "Uzbekistan Airways" aviakompaniyasining “Toshkent-Moskva-Toshkent” yo‘nalishida har shanba kunidan boshlab haftasiga bir marotaba parvozlar amalga oshira boshladi.