O‘zbekiston xalqaro hamjamiyatni Afg‘onistonning pullarini qaytarishga chaqirdi

north_east

Umurzoqov Afg‘onistonga bordi va 21 yildan beri “qora ro‘yxat”dagi shaxs bilan uchrashdi

O‘zbekiston Afg‘onistonning xorijdagi aktivlarini tezroq blokdan chiqarish tarafdori, busiz mamlakatning amaldagi rasmiylari uni inqirozdan olib chiqa olmaydi. Bu haqda bugun, 23 fevral kuni O‘zbekistonning Afg‘oniston bo‘yicha maxsus vakili Ismatulla Irgashev ma’lum qildi.

“O‘zbekiston Afg‘onistonning xorijiy banklardagi aktivlarini tezroq muzdan chiqarish tarafdori, busiz davlatning amaldagi rasmiylari uni eng chuqur inqirozdan olib chiqa olmaydi. Shu bilan birga, bu mablag‘lar Afg‘onistonga tegishli ekanligini tushunish kerak. Ayrim vakillariga emas, balki butun afg‘on xalqiga”, degan u Yevropa Ittifoqi va Markaziy Osiyo davlatlarining Afg‘oniston bo‘yicha maxsus vakillarining Toshkentda o‘tgan maslahat uchrashuvida.

Irgashevning hozirda Afg‘onistondagi vaziyatni tartibga solishning asosiy masalasi Afg‘onistonga nisbatan mojarodan keyingi strategiyani ishlab chiqish bo‘lib qolayotganini ta’kidladi.

“Bu mamlakatni tinch ravnaq toptirish bo‘yicha jamoaviy chora-tadbirlarni amalga oshirishda rahbarlik qilinishi kerak bo‘lgan muhim jihat”, deya qo‘shimcha qildi u.

Irgashevga ko‘ra, hozirgi Qobul hukumatining terrorizm va giyohvand moddalar savdosiga qarshi kurashdagi muvaffaqiyatlariga qaramay, ulardan hammaga ma’lum bo‘lgan qoidalarni amalga oshirishni talab qilishda davom ettirish kerak.

"Bu, birinchi navbatda, insonning asosiy huquq va erkinliklarini, shu jumladan ayollar va milliy ozchiliklarni hurmat qilish, Afg‘onistonda turli xalqaro terrorchilik tashkilotlarining bo‘lishiga yo‘l qo‘ymaslikka asoslangan hukumatni yaratishga taalluqli. Menimcha, ham biz uchun, ham “Tolibon” uchun buning imkoni bor”, degan O‘zbekistonning maxsus vakili.

Ma’lumot uchun, 2021 yil bahorida AQSH Afg‘onistondagi qo‘shinlarini olib ketishini e’lon qilgach, “Tolibon” mamlakatda nazorat o‘rnatish uchun keng ko‘lamli operatsiyalarni boshladi. O‘tgan yilning 15 avgustida toliblar jangsiz Qobulga kirib, Prezident Ashraf G‘ani respublikani tark etgach, Vashington ma’muriyati ag‘darilgan Afg‘oniston hukumatining AQSH banklaridagi davlat zaxiralarini muzlatib qo‘ydi. Xalqaro valyuta jamg‘armasi va Jahon banki ham Qobulga yordam berishni to‘xtatdi. Muzlatilgan mablag‘larning umumiy miqdori taxminan 9,5 milliard dollarni tashkil etadi.

“Tolibon” ko‘rayotgan chora-tadbirlarga qaramay, mamlakatdagi iqtisodiy vaziyat o‘ta og‘irligicha qolmoqda. “Tolibon” rahbariyati bir necha bor Vashingtondan Afg‘oniston davlat zaxiralarini blokdan chiqarishni so‘ragan. Biroq AQSH Davlat kotibi Entoni Blinken aytishicha, Qo‘shma Shtatlar va boshqa G‘arb davlatlarining Afg‘onistonga moliyaviy yordam ko‘rsatish va uning xorijiy banklardagi aktivlarini muzdan chiqarish bo‘yicha qarorlari “Tolibon”ning keyingi qadamlari asosida qabul qilinadi.