O‘zbek-tojik chegarasiga hujum uchun qamalganlar haqida ma’lumot berildi

Jamiyat

image

Avvalroq, 2019 yilning noyabrida O‘zbekiston-Tojikiston davlat chegarasidagi “Ishqobod” chegara zastavasiga hujum qilganlarga sud hukmi o‘qilgani haqida xabar bergan edik.

Bugun, 20 iyul kuni ma’lum bo‘lishicha, sudlanganlar orasida to‘rt ayol va harbiylar bo‘lgan. Jami 9 kishi 2 yildan 27 yilgacha ozodlikdan mahrum qilingan. Bu haqda Tojikiston Oliy sudi raisi Shermuhammad Shohiyon ma’lum qildi.

“Oliy sud qarori bilan 20 aprel kuni hujum qilganlardan 4 harbiy, 4 ayol va bir erkak 2 yildan 27 yilgacha ozodlikdan mahrum qilindi”, degan rais va boshqa ma’lumot aytolmasligini ochiqlagan.

U harbiylar nima uchun aybdor deb topilganini aytmagan va ish “sirli” muhri ostida ko‘rilganini bildirgan.

Eslatib o‘tamiz, “Ishqobod” chegara punktiga 2019 yilning 6 noyabr kuni kechasi hujum uyushtirilgandi. Tojikiston IIV bergan ma’lumotga ko‘ra, qurolli to‘qnashuvda ikki chegarachi va militsiya xodimi halok bo‘lgan. Jangarilarning 15 nafari o‘ldirilib, 5 nafari qo‘lga olingan.

Ammo keyinroq Sug‘d viloyati hokimiyati yana 3 nafar chegarachi dafn etilganini ma’lum qilgan.

Tojikiston Bosh prokuraturasining rasmiy ma’lumotiga ko‘ra, hujumda 26 kishi o‘ldirilgan va 22 nafari qo‘lga olingan. Terrorchilar 5 nafar harbiy va bir nafar militsiya xodimini o‘ldirgan.

Mazkur hujum uchun javobgarlikni ISHID terrorchilik guruhi o‘z zimmasiga olgan.


Maqola muallifi

Teglar

hujum chegaar

Baholaganlar

691

Reyting

2.9

Maqolaga baho bering

Doʻstlaringiz bilan ulashing