O‘zbek bokschilari mundialda yana 4 ta medalni kafolatladi
Sport
−
23 noyabr 2022 2668
Ispaniyaning La Nusiya shahrida boks bo‘yicha yoshlar o‘rtasida Jahon chempionati janglari davom etmoqda. 22 noyabr kungi dasturda 4 nafar o‘zbekistonlik bokschi ringga ko‘tarildi.
E’tiborlisi, kun dasturida yarim final yo‘llanmasi uchun ringga ko‘tarilgan barcha O‘zbekiston vakillari g‘alaba qayd etdi.
Erkaklar o‘rtasida -80 kgda Rahmatillo Boymatov, -57 kg vazn toifasida Baxtiyor Asadov va -71 kg vaznda Fazliddin Erkinboyev chorak final janglarida g‘alaba erishib, mundial medallarini naqd qildi.
Ayollar o‘rtasida -75 kgda Sahobat Husanova ekvadorlik Gabriyela Sazarni 2-raundda texnik nokautga uchratib, yarim final yo‘llanmasiga ega chiqdi.
Eslatib o‘tamiz, yoshlar mundiali bahslari 26 noyabrga qadar davom etadi.
Live
Barchasi
