Urushga qaramay Isroil startaplari 3,1 mlrd dollar yig‘di
Olam
−
01 aprel 7292
Isroilning yuqori texnologiyali startaplari HAMASga qarshi urushga qaramay, mablag‘ yig‘ishda davom etmoqda. Bu haqda Startup Nation Central (SNC) tashkiloti hisobotida ma’lum qilindi.
Qayd etilishicha, 7 oktyabrda urush boshlanganidan beri 220 ta xususiy investitsiya loyihalari uchun 3,1 milliard dollar jalb qilingan bo‘lib, ushbu mablag‘ning uchdan bir qismi xavfsizlik texnologiyalari kompaniyalariga tegishlidir.
Next Insurance kompaniyasining startapi eng katta summani – ikkita xorijiy venchur fondidan jami 265 million AQSH dollarini qo‘lga kiritgan.
2023 yilning ikkinchi va uchinchi choraklarida 330 xususiy investitsiya loyihalarining o‘zi 4,3 milliard dollarga baholangan.
SNC (Stas Namin markazi)ning ta’kidlashicha, Isroilning texnologiya sektori ishchi kuchi 15 foizga kamayishiga qaramay, kuchli bo‘lib qolmoqda.
Urush boshlanganidan beri Isroilda kompaniyalar yoki ularning asosiy aktivlarini birlashtirish hamda sotib olish qiymati 3,7 mlrd dollarga yetdi. Xuddi shunday ikkita bitimning umumiy bahosi 1 mlrd dollarni tashkil etgan.
Ular orasida Palo Alto Networks tomonidan 2023 yilning noyabrida 625 million dollarga sotib olingan Talon Cyber Security ham bor edi. Palo Alto bir oy oldin ham Dig Security kompaniyasini 350 million dollarga sotib olgandi.
Isroil banki ma’lumotlariga ko‘ra, yuqori texnologiyalar savdosi mamlakat iqtisodiyotining harakatlantiruvchi kuchi bo‘lib, ish bilan ta’minlanganlikning 16 foizini, eksportning yarmidan ko‘pini, daromad solig‘ining uchdan bir qismini va ishlab chiqariladigan umumiy mahsulotning deyarli beshdan bir qismini tashkil qiladi.
Live
Barchasi
