Ukraina urushda qancha oltin zaxirasini yo‘qotgani ma’lum bo‘ldi

Olam 14528
image

Rossiyaning maxsus operatsiyasi boshlangandan beri Ukraina ikki milliard dollar oltin-valyuta zaxirasini yo‘qotdi. Bu haqda mamlakat Prezidenti Vladimir Zelenskiyning iqtisodiy maslahatchisi Oleg Ustenko “Ukraina 24” telekanaliga bergan intervyusida ma’lum qildi.

Uning so‘zlariga ko‘ra, fevral oyi o‘rtalarida Kiyevning oltin-valyuta zaxirasi 29,5 milliard dollarni tashkil qilgan.

“Fevral oyi o‘rtalarida Kiyevning zahiralari 29,5 milliard dollarni tashkil qilgan. Mana oradan ikki hafta o‘tdi. Ko‘ryapmizki, hozir zaxiralarimiz 27,5 milliard dollar darajasida”, deydi Oleg Ustenko.

Avvalroq, Zelenskiyning maslahatchisi Rossiya Federatsiyasi Markaziy bankining G‘arbda muzlatilgan mablag‘lari allaqachon Ukraina uchun ajratilganini aytgan edi.

Rossiyaning Ukrainaga bosqini

Joriy yilning 21 fevral kuni Rossiya Prezidenti Vladimir Putin Kremlda Ukraina sharqidagi o‘zini mustaqil deb e’lon qilgan Lugansk xalq respublikasi (LXR) va Donetsk xalq respublikasini (DXR) tan olish to‘g‘risidagi farmonni imzoladi. Keyinroq RF respublikalarni shu nomdagi viloyatlar chegaradagi tan olganini ta’kidlab, Ukrainaga qarshi urush xavfini oshirib yubordi.

Putinning favqulodda qarori ortidan AQSH, YeI, Kanada, Avstraliya, Buyuk Britaniya va Yaponiya rasmiylari ham Rossiyaga qarshi sanksiyalar kiritdi.

24 fevral kuni Rossiya Prezidenti Vladimir Putin Ukraina sharqida Donbassda rus harbiylari "maxsus harbiy operatsiya" boshlaganini e’lon qildi va rus qo‘shinlari Ukrainaga hujum boshladi. Putin bu harakatini Ukraina sharqidagi rossiyaparast separatist kuchlar rahbarlari shunday so‘rov yuborgani bilan oqladi.

Buning ortidan Zelenskiy Rossiya fuqarolariga rus tilida murojaat qilib, ukrainlarga “na sovuq, na issiq, na gibrid urush kerak emas”ligini, ukrainlar hujumchilarni kutib olishga tayyorligini bildirdi. Ko‘p o‘tmay Prezident Rossiya bilan diplomatik aloqani uzdi.

Rus qo‘shinlari dastlab Kiyev va Xarkovga raketa hujumi uyushtirdi. Prezident Zelenskiy mamlakatda harbiy holat e’lon qildi. Shuningdek, rasmiy idora rus qo‘shinlari Xarkov va Odessa viloyatiga kirib borganini bildirdi.

Hujum boshlanganidan ko‘p o‘tmay, LXR Ichki ishlar vaziri maslahatchisi Vitaliy Kiselev Schaste va Stanitsa shaharchalari LXR nazoratiga o‘tganini e’lon qildi.

Ukrainaga hujum boshlanishi Rossiya iqtisodiga og‘ir zarba berdi. Rus kompaniyalari aksiyalari keskin arzonlashdi, Moskva birjasida savdolar mislsiz darajada pasayish bilan o‘tdi. Gazprom, LUKOYL va boshqa yirik kompaniyalar yo‘qotishlarga uchradi.

25 fevral kuni Zelenskiy Ukrainada umumiy harbiy safarbarlik e’lon qildi. Armiyaga chaqiruv mamlakatning qator viloyat va shaharlarida amalga oshirilishi belgilandi.

Yulduz Abdurashidova
Maqolaga baho bering
Baholaganlar: 39
Reyting: 3.1
t
×