To‘qayev Qozog‘iston harbiy doktrinasiga o‘zgartirishlar kiritdi

Qozog‘iston Prezidenti Qosim-Jomart To‘qayev 2017 yil 29 sentyabrdagi 554-sonli “Qozog‘iston Respublikasining Harbiy doktrinasini tasdiqlash to‘g‘risida”gi farmonga o‘zgartirish va qo‘shimchalar kiritdi. Bu haqda Qozog‘iston Prezidenti farmonida aytilgan.

O‘zgartirishlarda Qozog‘istonga “dunyoda ommaviy qirg‘in qurollari hajmining ko‘payishi, shuningdek, yangi jismoniy tamoyillarga asoslangan ommaviy ta’sir qiluvchi qurollarning yaratilishi” tahdid solishi mumkinligi aytiladi.

Bundan tashqari, kiritilgan o‘zgartirishlarda davlatdagi vaziyatni beqarorlashtirish, uning harbiy va harbiy-iqtisodiy salohiyatini pasaytirish maqsadida davlat harbiy tashkilotlarining axborot tizimlariga, mamlakat mavjudligini ta’minlovchi tizimlarga kiberhujumlarning ta’siri ko‘rsatilgan.

O‘zgartirilgan doktrinada strategik yo‘nalishlarda zarur qo‘shinlar (kuchlar), qurol-yarog‘lar, harbiy texnika va ta’minotlar majmuasini yaratish orqali davlat harbiy tashkilotlarining quruqlik, havo va dengiz tarkibining jangovar salohiyatini oshirish haqida ham so‘z boradi.

Qurolli Kuchlar, shuningdek, axborot-psixologik va kiber ta’sirga qarshi bo‘linmalar tuziladi.

Qo‘shinlarning harakatchanligini oshirish va harbiy xavfsizlikka zamonaviy tahdidlarga munosib javob berish maqsadida Qozog‘iston Respublikasi Milliy gvardiyasi tuzilmasini takomillashtirish, tarkibini mustahkamlash va infratuzilmasini rivojlantirish bo‘yicha izchil va tizimli chora-tadbirlar amalga oshiriladi.