Tramp oilasidan yana bir kishi koronavirusga chalindi
Olam
−
21 noyabr 2020
11469AQSHning amaldagi Prezidenti Donald Trampning katta o‘g‘li kichik Donald Tramp koronavirusga chalindi. Bu haqda "Bloomberg" vaziyatdan xabardor odamlarga asoslanib xabar bergan.
Agentlikka ko‘ra, Amerika rahbari o‘g‘lining koronavirusga topshirgan testida musbat natija aniqlangan.
Qayd etilishicha, kichik Tramp o‘zini o‘zi yakkalashga kirishgan. Unda kasallik alomatlari kuzatilmagan.
Ma’lumot uchun, kichik Donald Tramp tadbirkorlik bilan shug‘ullanadi. U AQSHning 45-Prezidenti Donald Tramp va uning birinchi turmush o‘rtog‘i chexiyalik model Ivana Trampning to‘ng‘ich o‘g‘li.
Eslatib o‘tamiz, oktyabr oyining boshida Donald Tramp va uning rafiqasi Melaniya Trampda ham koronavirus aniqlangan edi.
Ma’lumot o‘rnida, AQSHda koronavirusga chalinganlarning umumiy soni 12 milliondan oshgan. 260 mingdan ko‘p kishi vafot etgan. Ikkala ko‘rsatkich bo‘yicha ham AQSH dunyoda birinchi o‘rinda turadi.
LiveBarchasi
07 noyabr 2023
07 noyabr 2023
07 noyabr 2023