Tramp AQSH qo‘shinlarini Somalidan olib chiqib ketish niyatida

AQSH Prezidenti Donald Tramp AQSH qo‘shinlarini Somalidan olib chiqib ketish niyatida. Bu haqda "Bloomberg" axborot manbalariga tayangan holda xabar bergan. 

Manbalarga ko‘ra, davlat rahbari qo‘shinlarni olib chiqib ketish istagini o‘zining eng yaqin maslahatchilariga ma’lum qilgan. Ta’kidlanishicha, Tramp bu xohishi bilan Amerika rasmiylarini tashvishga solgan. 

AQSH ma’muriyati a’zolari Somali Hukumati mamlakatdagi xavfsizlikni yetarlicha nazorat qila olmasligini aytishmoqda. Shuningdek ular, Amerika qo‘shinlarining Somalidan olib chiqib ketilishi terrorchilar foydasiga ishlashi mumkinligini ta’kidlashgan.

Avvalroq, "Tolibon" terroristik guruhi ham AQSHning amaldagi Prezidenti Donald Trampni saylovlarda qayta saylanishiga va AQSH qo‘shinlarini Afg‘onistondan olib chiqib ketishiga umid qilayotgani haqida xabar bergandik.

Ma’lumot uchun, AQSHda o‘tkaziladigan prezidentlik saylovlariga tobora yaqin qolmoqda. Saylovlar joriy yilning 3 noyabr kuni o‘tkaziladi.