Toshkentda yuk mashinasi bilan to‘qnashgan avtobus ag‘darilib ketdi
Jamiyat
−
29 iyul 2020 7617
Kecha, 28 iyul kuni Toshkentning Olmazor tumanida avtobus va yuk mashinasi ishtirokida yo‘l-transport hodisasi sodir bo‘ldi. Bu haqda poytaxt IIBB matbuot xizmati xabar berdi.
Soat 11:00 larda Toshkent xalqa avtomobil yo‘lida 18-avtoparkka tegishli Isuzu avtobusi haydovchisi 30 yoshli Rahimjon Sh. yo‘l harakatining boshqa ishtirokchilari uchun kutilmagan harakat sodir etgan.
Yaqin-atrofda harakatlanib borgan “Zil-131” rusumli yuk avtomobili haydovchisi 28 yoshli Murodjon B. favqulodda to‘xtash uchun barcha choralarni ko‘rishiga qaramasdan, avtobusning yon tomoniga to‘qnashishi natijasida avtobus ag‘darilib ketgan.
YTH sababli hech kim jabrlanmagan.
