Toshkentda yuk ko‘tarayotgan avtokran ag‘darilib ketdi
Jamiyat
−
14 Oktabr 2023 14922
Ijtimoiy tarmoqlarda Toshkent shahri Shayxontohur tumanidagi mahallalardan birida yuk ko‘tarayotgan avtokran ag‘darilib ketgani tasvirlangan videolar tarqaldi. Mazkur holat yuzasidan Shayxontohur tumani hokimligi axborot xizmati qisqa izoh berdi.
Hokimlikning ma’lum qilishicha, muammo shu zahoti bartaraf etilgan va uning oqibatida hech kim jabrlanmagan.
“Muammo mutasaddilar tomonidan tezkorlik bilan bartaraf etilgan. Hodisada talofat ko‘rgan va jarohat olganlar yo‘q”, deyiladi hokimlik munosabatida.
Eslatib o‘tamiz, joriy yilning 12 avgust kuni Toshkentda aeroport yaqinida qurilayotgan yo‘l o‘tkazgichning beshta to‘sini bir vaqtning o‘zida qulab tushgandi. Holat bo‘yicha jinoyat ishi qo‘zg‘atilib, 3 nafar mansabdor ushlangan. 42 metrlik 5 dona balkaning yiqilishi 2 mlrd 760 mln so‘mlik zarar keltirgan.
Live
Barchasi
