Toshkentda Nexia Mercedes-Benz`ga urilib, yonib ketdi

Bugun, 19 iyun kuni soat 08:50 larda, Toshkent shahar, Mirzo Ulug‘bek tumanida Mercedes-Benz va Nexia-3 avtomobili to‘qnashishi natijasida yong‘in yuz berdi. Bu haqda YHXBB xabar berdi.

YTH Mirzo Ulug‘bek ko‘chasida yuz bergan. 1984 yilda tug‘ilgan A.D. (erkak) Mercedes-Benz rusumli transport vositasida ortga qayrilib olayotgan vaqtda ushbu yo‘nalishda harakatlanib kelayotgan haydovchi 1992 ilda tug‘ilgan D.M. (erkak) boshqaruvidagi Nexia-3 rusumli transport vositasi bilan to‘qnashgan.

To‘qnashuv oqibatida Nexia-3 rusumli transport vositasining dvigatel qismida yong‘in yuzaga kelgan va o‘t o‘chiruvchilar tomonidan bartaraf etilgan.

Natijada, Nexia-3  rusumli transport vositasi haydovchisi D.M. va yo‘lovchisi (shaxsiga aniqlik kiritilmoqda) tan jarohati olib shifoxonaga olib ketilgan.

Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.