Toshkentda bir necha ko‘chalar yopiladi
Jamiyat
−
31 mart 2023
7181Toshkent shahrida 1 aprel kuni duatlon bo‘yicha musobaqa o‘tkazilishi munosabati bilan bir nechta ko‘chalarda transport harakati cheklanadi. Bu haqda poytaxt hokimligi matbuot xizmati xabar berdi.
Ma’lum qilinishicha, joriy yilning 1 aprel kuni “Yangi O‘zbekiston” bog‘ida yosh yigit-qizlar va havaskorlar o‘rtasida duatlon bo‘yicha O‘zbekiston chempionati o‘tkaziladi. Shu sababli quyidagi ko‘chalarda avtotransport vositalarining harakati cheklanadi:
- Soat 07:00 dan 08:00 gacha – Yangi O‘zbekiston ko‘chasining Istiqlol ko‘chasidan 3 qavatli yo‘l o‘tkazgichgacha bo‘lgan qismida qisman;
- 08:00 dan 12:00 gacha – Yangi O‘zbekiston ko‘chasining Istiqlol ko‘chasidan 3 qavatli yo‘l o‘tkazgichgacha bo‘lgan qismida har ikki yo‘nalishda to‘liq;
- 08:00 dan 12:00 gacha – Jasorat tor ko‘chasining Jasorat ko‘chasidan Yangi O‘zbekiston ko‘chasigacha bo‘lgan qismi yopiladi.
“Haydovchilardan keltirilgan noqulayliklar uchun uzr so‘raymiz va shu vaqt oralig‘ida aylanma yo‘llardan foydalanishlarini tavsiya qilamiz”, deyilgan xabarda.
LiveBarchasi