Toshkentda avtobus yo‘nalishlaridan biri qisqartirildi
Jamiyat
−
31 avgust 2023 7123
Poytaxtda Qoraqamish 2/4 mavzesidan Chinni bozor hududigacha bo‘lgan yo‘nalishda harakatlanuvchi 87-sonli avtobusning qatnov liniyasi qisqartirildi. Bu haqda “Toshshahartransxizmat” aksiyadorlik jamiyati xabar berdi.
Bildirilishicha, ushbu qisqartirish O‘zbekiston Respublikasi Prezidentining 2023 yil 16 fevraldagi "Jamoat transporti tizimini isloh qilish chora-tadbirlari to‘g‘risida"gi PQ-59-sonli qarori ijrosini ta’minlash maqsadida amalga oshirilgan.
Tashkilot tomonidan yo‘lovchilarga Chinni bozorgacha yetib olish uchun 146-sonli avtobusdan foydalanish tavsiya etilgan.
Eslatib o‘tamiz, 4 sentyabrda navbatdagi o‘quv yili mavsumi boshlanishi munosabati bilan Toshkentda avtobuslar va ularning qatnovlari soni oshirilgan edi.
Live
Barchasi
